Den første fra Rakvåg som var ute på feltskyting var Rolf Rakvåg deretter fulgte det skyting til alle dagens tider, derfor var det mange turer innom arenaen for å se på og være med som bærere og hjelpere der det trengtes.
Innledende skyting på bane er 25 skudd maks 250 poeng, innledende på felt er 30 skudd mot varierende figur og avstand, maks er 30 treff /30 indre, minneskyting er en redusert skive som skytes på 100 meter, seks skudd og maks 60 poeng.
Stangskyting er mest mulig skudd på 2 x 25 sekunder.
Felthurtig er stående utgangstilling, ved foten gevær, tre fallblinker skal treffes på kortest mulig tid.

Skyteresultater fredag
V65
Ola Rakvåg            Bane 239
V55
Rolf Gangstad      Felt 21/7    - Minne 53
Rolf  Rakvåg         Felt 22/10 – Minne 55

Skyteresultater  lørdag
Kl 3
Kurt Arve Haugen Bane 224
Palmar Haugen       Bane 239
Vidar Heggdal         Bane 226

Vegard Rørset         Bane 231
Kl. Rekrutt
Olav Klauset             Bane 229
Amalie Haugen        Bane 239
Håvard M Rørset    Bane 242
Kl 4
Henrik Oppen           Felt 19/2 -  Minne 57 – Stang 20 – Felthurtig 12.78
Per Otto Opstad       Felt 27/13 – Minne 50
V73
Hans Heggdal            Felt 23/11 – Minne 49 – Stang 9 – Felthurtig 35.93
Harald Stormyr        Felt 29/25 – Minne 57

Skyteresultater  søndag
Rolf  Rakvåg         Bane    241
Rolf Gangstad      Bane    236
Ola Rakvåg           Felt 21/9 – Minne 50

Skyteresultater  mandag
Kl 2
Johan Oppen          Bane 221
Kl 4
Per Otto Opstad     Bane 238

V73
Harald Stormyr      Bane 250
Hans Heggdal          Bane 243
Kl 5
Ole Ståle Sandnes   Felt 20/9 – Minne 53 – Stang 11 – Felthurtig 13.60
Kl Junior
Martin Raknes         Felt 26/15 – Minne 45
Kai Robin Sandnes Felt 22/11 – Minne 48

Skyteresultater  tirsdag
Kl 4
Henrik Oppen           Bane 228

Klasse Junior
Kai Robin Sandnes  Bane 244
Kl 3
Kurt Arve Haugen  Felt 24/11  – Minne 51 – Stang 12 –     Felthurtig 17.35
Palmar Haugen        Felt 26/9 –     Minne 56 – Stang 9
Vidar Heggdal          Felt 24/10 –     Minne 48 – Stang 11 –     Felthurtig 25.69
Vegard Rørset          Felt 29/11-    Minne 54 – Stang 11 -    Felthurtig 18.15
Kl Rekrutt
Amalie Haugen        Felt 22/15 -    Minne 46
Håvard M Rørset    Felt 28/18 -    Minne 55
Olav Klauset              Felt 25/16 –     Minne 57

Skyteresultater  onsdag
Kl 5
Ole Ståle Sandnes   Bane 235
Klasse Junior
Martin Raknes         Bane 244
Kl 2
Johan Oppen             Felt 21/10 –     Minne 45 – Stang 14 -    Felthurtig 22.10

Disse innledende skytinger ga finaleplass til to stykker på bane og to på felt:
Harald Stormyr på bane med 250 poeng i klasse V73. Han klarte til slutt å ta førsteplassen, etter to omskytinger. (Han hadde da skutt 55 tiere)
Palmar Haugen i klasse 3 på bane med 238, dette ga han en flott plassering i klasse 3 og finaleskyting, endte på totalt 337.
Vegard Rørset i klasse 3 og Per Otto Opstad  i klasse 4 kvalifiserte seg til finale i felten som gikk på lørdag.

Amalie Haugen er ein av rekruttane i Rakvåg Skyttarlag.

Det er veldig harde krav til å toppe listene på Landsskytterstevne og det er da viktig å huske at en kan ha gjort en god prestasjon om en ikke er på toppen. Det er litt spesielt å sitte i teltet å vente på at en skal inn på banen for å skyte, det er lett for at en kan bli litt nervøs av slikt.
Tirsdag kveld var alle fra Rakvåg Skytterlag samlet på skyttercampen til feiring av seieren til Harald. Dette er en tradisjon at vi samles en kveld for en sosial sammenkomst, og diskuterer hvordan det gikk og hvordan det kunne ha gått.
Rakvåg Skytterlag er i år også det største enkeltlag som stiller fra Romsdal skyttersamlag med 18 deltakere.
Vi ønsker også å takke alle i støtteapparat (familier) som hjelper til.
Ole Ståle Sandnes

Veterankongen

Harald Stormyr har ei lang skyttarkarriere bak seg han har delteke på nærare 20 landsskyttarstemne. Det beste resultatet så langt var 2. plass på Lesja i 2005.

Harald Stormyr fekk pokal både for seier i V73 og beste enkeltresultat i alle tre veteranklassane.

I år vart det full klaff. Med fullt hus, 250 poeng og med 21 innertreff fekk han ligge på skive ein under V73 finalen. Og det var her Harald viste ro og styrke. To omskytingar måtte til før Harald kunne hale seieren i land. Med 100 poeng og åtte innertiarar vart det omskyting om førsteplassen med Even Kjøsen frå Meldal. Etter første omskyting endte begge med 100 poeng og fem innertiarar. Dermed måtte det bli nok ei omskyting. Harald stod løpet ut og skaut ti tiarar med åtte i sentrum og utklassa motstandaren som fekk ein niar. – Jeg følte meg ganske rolig og mente det hadde gått greitt. Jo dette var artig, var kommentaren Harald hadde til Romsdals Budstikke.

– Dei tolv ungdommane som hadde vore på besøk hos Midsund Rotary hadde berre lovord å seie om opphaldet i Midsund. Excellent, relaxing, really nice people, best «vaffles» ever, good food var ord som gjekk igjen då ungdommane takka for seg på rotarymøtet sist måndag. Alle hadde dei hatt eit flott opphald og takka vertsfolket som hadde tatt seg godt av dei.

– Ja, vi har hatt eksemplariske ungdommar på besøk. Og det var triveleg å høyre at dei har likt seg godt og at dei har sett pris på dei aktivitetane vi hadde lagt opp til dei. Tre-fire dagar i Midsund, med det flotte veret, har tydelegvis gjort inntrykk, seier president i Midsund Rotary Peder Jostein Heggdalsvik.

Velkomst med grillmat i bålhust på Søre Midøy.

Det er no ti år sidan sist Midsund Rotary hadde utvekslingsstudentar på besøk. Også då var det tolv ungdommar frå nesten like mange land som gjesta kommunen vår.
Ungdommane hadde vore tre dagar i Ålesund og tre dagar i Brattvåg då dei kom til Midsund sist fredag. Dei vart innkvartert heime hos rotarymedlemmane før dei møttest i bålhuset på Midøya til grillfest og litt underhaldningsinnslag. Her vart dei ønska velkomen av rotarymedlem Arnstein Misund, og varaordførar Magne Reiten orienterte litt om Midsund kommune og ønska dei velkomne på vegne av kommunen.

Berre ein av ungdommane hadde skote med hagle, så leirdueskyting var ei ny oppleving for dei fleste.

Laurdag var det tur over Skarsvegen som stod på programmet. Denne gamle vegen vart for nokre år sidan laga delvis på dugnad av Midsund Rotary. Her har dei og sett opp to gapahukar, og når ungdommane kom ned til Holsvatnet var det mat i bålhuset før dei vart køyrt på leirdueskytebana. Og berre ein av deltakarane hadde prøvd å skyte med hagle før, så dette var ei ny oppleving. Og om kvelden var dei på Kroa, der det viste seg at ungdommane var flinke karaokesangarar.
Søndag var det avslapning hos vertsfamiliane og fisketur. Sjølv om fisken ikkje var så villig å bite, vart dei ikkje heilt fri.
Og siste dagen var sett av til bedriftsbesøk. Først var dei på Midsund Bruk, så på Sjøvik AS og på Nybo og avslutta med Romsdal Processing. Det er forholdsvis lite aktivitet i bedriftene på denne tida, i tillegg er mange permitterte ved Midsund Bruk og på Romsdal Processing fekk dei stopp i maskinene. Likevel syntest ungdommane at dei hadde fått sett og opplevd mykje.

Og etter bedriftsbesøka var dei ute i Bjørneremshellerane, der leiar i Midsund Slekt- og Historielag, Kjell Magerøy fekk vist dei korleis dei første midsundingane budde.
Dette var fjerde gongen at Midsund Rotary, sidan det vart stifta i 1972, tek imot utvekslingsstudentar, men berre ein midsunding har vore på ei slik reise, Asbjørn Ræstad i 1984. – Vi skulle gjerne sett at også ungdommar frå Midsund får ei slik oppleving som dette er. Ungdommane betalar reisa sjølve, men både mat, overnatting og aktivitetar dei er med på er gratis og blir betalt av Rotaryklubbane. Eit opphald er på 14 dagar og vanlegvis besøkjer dei fire rotaryklubbar, seier rotarypresidenten og kan ikkje forstå at ikkje fleire ungdommar i Midsund nyttar seg av dette tilbodet.

Det måtte ekstra påkledning til for å få omvisning på Romsdal Processing.

Og på rotarymøtet sist måndag heldt Odd Kjell Sjøvik ei lita orientering om Midsund Rotary. – For det første er vi med og støttar Rotary Foundation som støttar helse- og utdanningsprosjekt rundt om i verda. I tillegg gjer vi ein del gode ting for lokalsamfunnet. Vi har vore med å lage vegen over Skaret, vi ryddar badeplassane i kommunen og vi distribuerer mat til eldre. Her får vi dekt køyreutgiftene som i si heilheit går til Rotary Foundation, sa Odd Kjell Sjøvik. Han takka for at dei hadde besøkt Midsund og ønska dei lykke til vidare i livet og velkomne tilbake til Midsund dersom det skulle bli aktuelt.

Hofset Biocare Midsund investerer 50 millionar kroner på  eit foredlingsanlegg i Stormyra. Roger Hofset i Hofsetgruppen, som står bak prosjektet, håper at anlegget skal vere i drift i oktober/november.

Det var like før årsskiftet at eit nyetablert selskap med Roger Hofset i Hofsetgruppen i Ålesund kjøpte konkursboet etter Real Estate Midsund AS. Gjennom selskapet Green Earth Industries ville amerikanske interessentar etablere ei høgteknologibedrift i Midsund. Målet var å utnytte slakteavfall frå laksenæringa til å lage Omega 3, protein og kalsium. Bygginga av fabrikken vart sett i gang i 2007, men anlegget vart aldri ferdigstilt, sjølv om det var forholdsvis lite som sto att då selskapet gjekk til skifteretten. Dermed sto ei fabrikkbygning på 600 m2 tom og ubrukt. Ein fabrikk proppa med teknologisk utstyr spesialdesigna nettopp med formål å utnytte lakseavfall.
Roger Hofset er framleis majoritetseigar i Hofset Biocare Midsund, men han har fått med seg både utanlandske og norske aksjonærar på eigarsida.

Utnytte råstoffet. –Vi kjøpte konkursbuet fordi vi ser eit stort potensiale i anlegget i Midsund, uttalte Roger Hofset til Øyavis i desember i fjor. Hofset International har i løpet av få år bygd seg opp som ein betydeleg foredlar av laks. Selskapet har foredlingsbedrifta Seafood Farmers på Valderøya og ei tilsvarande bedrift på Syvde. Desse selskapa brukar over 20.000 tonn med råstoff i året. Det kan gje ei avfallsmengde på 8-10.000 tonn på årsbasis. Det er dette som skal utnyttast vidare ved fabrikken i Midsund.
-Både Omega 3, protein og kalsium er ettertrakta produkt som er godt betalt. Ikkje minst i ein sterkt veksande helseindustri i USA, seier Hofset, som har stor tru på satsinga dei gjer i Midsund. – Det er heilt i trå med vår strategi om å utnytte alle delar av råstoffet, samt ha kontroll på heile verdikjeda.
I Møre og Romsdal er det fleire liknande bedrifter som kan vise til god inntening.

Vidare utbygging. Heilt sidan nyttår har det vore spesialistar frå Danmark som har jobba for å oppgradere produksjonutstyret. Dette arbeidet er no nesten fullført. – I tillegg har vi teke prosjektet eit skritt vidare i høve til det som opphaveleg var planlagt. Dei tidlegare eigarane hadde planar om å kjøre delar av produkta til Danmark for tørking. No bygger vi eit nytt tørkeanlegg med ein gong, fortel Hofset. Det medfører eit påbygg på om lag 400 m2, slik at det totale fabrikkarealet vert på over 1000 m2. Dette vil vere ein styrke for bedrifta og gje fleire arbeidsplassar i Midsund.
Denne utvidinga er også årsaka til at det har teke lengre tid å starte opp enn det vi først hadde håpa på. Det er mykje utstyr som skal på plass, og på denne type utstyr er det ofte lang leveringstid. Men vi håper no å starte produksjonen i oktober/november, seier Hofset.

Satsar på laks. Sist veke vart det også kjent at Hofset International AS har kjøp 27 % av Villagruppa, som har fleire oppdrettskonsesjonar i vårt område og som er ein av dei største aksjonærare i Romsdal Prosessing AS. Etter ein turbulent og opprivande periode i selskapet har Johan Andreassen og Bjørn Vegard Løvik selt seg ut. Kva konsekvensar dette kjøpet vil få for Hofset Biocare er vanskeleg å vite, men det viser at sunnmørsfirmaet satsar i denne regionen.

Liss kom flyttande heim frå Trondheim i 1991 og tok over forretninga som mora og faren hadde starta. Ho satsa på blomster, gåverartiklar og leiker, og i Rakvågen var det store lokaler, rundt 200 kvm. Då det vart ledige lokaler i bankbygget på Senteret, etter at det vart «Post i butikk» på Spar, flytta ho butikken dit rett før kongebesøket i 2003. Her var lokala under halvparten og mesteparten av leikene og også mykje gåveartiklar måtte takast vekk.
-Det er spesielt dei tre siste åra at omsetninga har svikta. Kvifor er det vanskeleg å vite. Handelsmønsteret har endra seg og dei unge har ein minimalistisk stil og fyller ikkje glaskarmane sine med blomsterpotter. Så å drive blomsterforretning i utkanten og skulle konkurrere med dei stor kjedene i byane er ikkje råd. Det går ikkje an å leike butikk på landsbygda heller, seier Liss mens det stadig kjem kundar inn som skal sikre seg dei siste varene.

Liss synes det er trist at det no er slutt på forretninga. -Å drive ei forretning heilt åleine er til å slite seg ut på. Når det ikkje går å ha ei halv stilling i tillegg, er det ikkje råd å drive. Det går både ut over familien og helsa, seier ho. Det er klart det no vil bli meir tungvint å skaffe blomster, og skal ein først til byen for å kjøpe blomster dreg det også ofte med seg andre ting. -Til fleire tilbud som blir lagt ned, til større blir handelslekkasjen. I dag handlar folk der det er enklast og billegast utan å tenkje på konsekvensane. Dei merkar vi først når det går nokre år, seier Liss som no truleg skal pendle til Molde på jobb.
Og neste fredag vrir ho om nøkkelen til Rakvåg Blomster og Gaver for siste gong.

Siste helga i juli, frå torsdag til søndag, møttest etterkommarane etter Ragna og Rasmus Heggdal til slektstreff «Neri Garda» i Nord-Heggdal. Flokken etter dei to har vakse til 130 med smått og stort, og av desse var det 110 som kom.

Av dei ni borna til Ragna og Rasmus er det seks som lever i dag. Desse har til tradisjon å møtast ein gong i året, gjerne ved juletider. Barnebarna hadde eit søskenbarntreff på 90-talet, men dette var første gong at også oldebarna var med. Mesteparten av flokken er spreidd i heile Noreg med forgreiningar både i Sverige og Danmark. Difor hadde arrangementskomiteen sett av god tid til samtale og sosialt samvær, for det var mange som ikkje hadde sett kvarandre på svært lenge.
Etter kvart som folk kom, blei dei fotograferte, og i løpet av helga vaks det fram eit slektstre med bilete av alle på låveveggen. Storparten av arrangementet gjekk føre seg på garden. På låven var det dekka langbord, og tre flotte middagar blei servert der. Frukost med nistepakkesmøring var lagt til gamleskulen (Nord-Heggdal barnehage).
Når ein mann frå Innsida fann seg kjærast i Rakvågen, var Skarsvegen god å ha. For å gå i Rasmus sine fotspor, var fredagen sett av til å gå denne vegen. Lunchen blei inntatt ved bålhuset ved Holsvatnet. Dei som ikkje gjekk Skaret tilbake, var innom gravplassen ved Otrøy kyrkje og la ned blomster på grava til Knut.
Laurdagen var det frie aktivitetar på garden. Reidar stilte båtar til disposisjon, og mange drog utpå for å prøve fiskelykka. Elles var det stor aktivitet i hamneområdet, der ein mellom anna kunne slappe av i badestampen. Kveldssamlinga starta i kapellet der dei to fiolinistane Geir og Rasmus med Rolf på orgel heldt ein flott minikonsert. Solbjørg fortalte om slekta si tilknytting til kapellet, og Rannveig las eit av bestemor Ragna sine dikt. Etter konserten var det blomsternedlegging på gravene før ein gjekk til fotografering i gardstunet og festmiddag på låven.
Det var alltid mykje sang og musikk i Ragna og Rasmus sin heim. Sang og musikk hadde ein sentral plass under treffet. På låven var det lagt opp til musikkverkstad. Mange hadde instrument med, og når det ikkje var samtale og mimring, var det sang og musikk.

Ved familiegrava, frå venstre: Solbjørg, Rolf, Reidun, Kjersti, Svein og Hans.

Ragna skreiv mykje, både prologar, dikt og prosatekster. På stabburet var det laga ei utstilling der det meste av hennar forfattarskap var lagt fram. Der var også stilt ut gamle bilete og ei mengd med gamle avisartiklar som omhandla garden. Dessutan var dei seks søskena oppfordra til å skrive minne frå oppveksten på Heggdal. Desse skriveria var populær lesnad for den yngre garde.

Familiebilde frå Nerigarden rett etter krigen. Framme sit frå venstre Hans og Ellen Marie Heggdal, Rasmus og Ragna Heggdal med alle borna sine, bak frå venstre: Jostein, Svein, Knut, Ellen, Hans, fremst står Rolf, Solbjørg, Reidun og Kjersti.

Ragna Heggdal (21.08.1898 – 14.07.1988) var fødd på «Volljå» i Rakvågen. Etter konfirmasjonen arbeidde ho på heimgarden, men ho var også hjelp i huset til farbroren, Skul-Jonas. Då ho var 18 – 19 år, kom ho i teneste på Opstad handelssted i Midsundet, både i huset og på butikken. Av brev til venninna Gyda, går det fram at ho ønskte å reise bort for å gå på skule, eller få seg teneste i prestegarden. Det ser ikkje ut til at ho fekk det til, for då faren døydde i spanskesjuka hausten 1918, var dei avhengig av henne heime. Før ho gifta seg, gjekk ho eit husstellkurs på Møre Folkehøgskule i Ørsta.
Ragna og Rasmus blei vigde i Aukra kyrkje 12.07.1924.

Rasmus Heggdal (17.06.1894 – 24.06.1990) var fødd Nedi Garden på Nord-Heggdal. Han laut tidleg ta ansvar på garden, og i tillegg rodde han fiske frå han var 16 år gammal. I 1914 gjekk han på Gjermundnes Landbruksskule. Det året var det ei stor jubileumsutstilling i Kristiania (100 år sidan 1814), og han reiste dit. Dette var før Raumabanen si tid (den kom i 1924). Då han ikkje hadde råd til hesteskyss, gjekk han til fots frå Åndalsnes til Dombås. Derifrå tok han toget til Kristiania. Det var frukt frå Heggdal på utstillinga, og den oppnådde sølvmedalje. I Kristiania møtte han farbror sin som var rektor på Dømmesmoen gartnarskule i Grimstad. Farbroren gav han pengar til hesteskyss, så han slapp å gå ned Romsdalen på heimvegen.

Frå vinteren 1918 var han med far sin på torskefiske i fire år. I 1919 tok han over som skipper, og dei bygde sjøbu i Lyngværet. Hausten 1919 gjekk han eit navigasjonskurs, og i januar 1920 tok han kystskippereksamen. Fram til 1920 var Heggdalingane i lag med Reiten om båt. Laget vart oppløyst, og den nye båten «Tordenskjold» vart kjøpt i 1914. Rasmus og faren, Hans, åtte kvar sin tredjepart i båten. Nils Heggdal (i Pilå) hadde siste tredjedelen. Rasmus hadde ansvar for båten til i 1935. Då slutta han på sjøen og overlet båtparten sin til broren, Kolbjørn. I 1932 overtok han garden, og same året starta han med rev.  Revehald skulle vere så lønsamt. Men det vart ikkje slik ein trudde, og revehaldet blei avslutta før krigen. I 1964 overlet han garden til sonen, Hans.
Det var både postopneri og telefonstasjon på garden.  Ragna og Rasmus tok over drifta av desse tenestene i 1937. Postopneriet blei nedlagt i 1968, og i 1972 var telefonstasjonen historie.
Rasmus hadde mange tillitsverv. Han var medlem av Sør-Aukra heradstyre i fleire periodar. Ei tid var han formann i skulestyret. Han var også formann i forstandarskapet i Otrøy Sparebank i 24 år.
Ragna og Rasmus fekk 9 born, 4 jenter og 5 gutar.
Ellen (1925-1994). Ho gjekk Møre Folkehøgskule i Ørsta, elles var ho heime til ho gifta seg med Olav Jenset (1923-2002). Dei bygde seg hus på Heggdal og fekk 6 born. Oddgeir f. 1951 er lærar, gift med Eirin Buen og bur i Kragerø. Dei har tre born. Rannveig f. 1954 er undervisningsinspektør og bur i Molde. Ho har ein son. Elisabeth f. 1956 er sosionom, og bur i Oslo, er gift med Erik Kjelstadli, og har to jenter. Roe f. 1959 er adm.dir. for Fjordlaks i Nord-Norge. Han er gift med Hilde Elvik, og har to born. Kjetil f. 1962 er bioingeniør, gift med Astrid Gording, og bur på Lillehammer. Dei har seks born. Marit f. 1965 er kommunikasjonsansvarleg i Svensk Handicapforbund. Ho er gift med Finn Petren, og bur i Stockholm. Dei har to jenter.

Hans f. 1927 gjekk Fylkesskulen på Vestnes og landbruksskulen på Gjermundnes. I tillegg til arbeidet på garden, dreiv han sjøen før han tok over garden. Han gifta seg med Anna Elfrid Hagset, og dei fekk fire born. Reidar f. 1962 er salssjef i Biomar (produsent av fiskefor) i tillegg til at han driv garden, og driv med turisme saman med kona, Heidi Aklestad Heggdal. Dei har til saman fem born. Jorunn f. 1964 er designar hos Pierre Robert, og bur på Ås. Ho er gift med Buntu Pupa, og dei har to gutar. Anne-Marit f. 1967 arbeider som salskoordinator i National Oilwell Varco. Ho er gift med Torstein Brevik. Dei har to born. Åshild f. 1972 er bookingsjef på Hotel Alexandra i Molde, er gift med Petter Lyster og har to born. Dei bur i Sør-Heggdal.

Knut (1929- 2007). Han var  utdanna treskjerar og møbelsnekkar. Så tok han formingslærarskule, og fekk jobb først på Harøya, så i Midsund, der han arbeidde til han gjekk av med pensjon. Han var gift med Petra Rosvik. Dei bygde seg hus i Midsund, og fekk tre born. Runar  f. 1957 er ingeniør i Statoil og bur i Bergen. Han har tre born. Anne-Kjerstin f. 1960 er assistent i skulen i Midsund. Ho er  sambuar  med Georg Lønes, og dei har to born. Dei bur i Midsund. Ståle f. 1963 er bilmekanikar, og bur på Eide. Han har tre born.

Svein Petter f. 1931 var kontorleiar i Romsdal Fiskevegnfabrikk, og bur i Molde. Gift med Oddbjørg Aarønes frå Tornes. Ho døydde i 2001. Dei fekk tre born. Øystein f. 1958 er assurandør, og jobbar i Gjensidige. Sambuar med Gro Fuglseth. Dei har to born. Terje f. 1962 er nestleiar i ein Coop-butikk i Oslo. Han er sambuar med Bente Furulund Åstrøm. Petter f. 1964. Død 1966.

Jostein (1933- 1978).  Han var fylkesreguleringsarkitekt i Møre og Romsdal. Gift med Sissel Hagerup. Ho bur i Molde. Dei har to born. Anne f. 1969 er logistikkdirektør i ASKO ØST. Bur i Oslo. Ho har to born.Rasmus f. 1971 er fiolinist i Den Norske Opera, og bur i Oslo. Han er gift med Lindsey Craig. Dei har eitt barn.

Kjersti f. 1936 arbeidde som butikkdame i Molde, før ho gifta seg med Kåre Orten og flytta til Raknes. Etter at borna reiste ut, jobba ho i barnehage i Midsund. Dei har tre born. Pål f. 1966 er sivilingeniør og bur i Asker. Gift med Linda Kramer. Dei har to born. Ragnhild f.1968 er sivilingeniør og bur i Bærum. Sambuar med Stig Strømmen. Dei har to born. Rolf Endre f.1973 er sivilingeniør og bur i Molde.

Reidun f. 1939 er utdanna lærar. Gift med Hans Formo, og bur i Sel i Gudbrandsdalen. Dei har tre born. Anders f. 1965 er gardbrukar i Sel. Gift med Cecilie Asp. Dei har fire born. Tor f. 1968 er dyrlege og bur i Øyer. Han er gift med Inger Tollefsrud. Dei har tre born. Amund f.1975 er lege og bur i Oslo. Sambuar med Ingebjørg Uldalen.

Rolf f. 1941 dreiv sjøen i mange år, så var han avløysar, og arbeidde så på Midsund Bruk til han vart pensjonist. Han gifta seg med Jorunn Opstad. Dei fekk tre born. Rune f. 1968 er rektor og bur i Kristiansand. Geir f. 1969 er fiolinist og bur i Molde. Han er sambuar med Heidi Rita Aandal. Dei har to born. Bodil f. 1971 er barnehageassistent og bur i Molde. Ho er gift med Knut Lidvard Høgset. Dei har to born.

Solbjørg f. 1944 tok lærarutdanning, og med unntak av nokre år i Kristiansand, Vinje og Bergen, har ho jobba i Midsund kommune og har hatt arbeidsstad Midsund skule i meir enn 40 år. Ho har to døtre. Ragna f. 1969 er utdanna lærar, men går no siste året på teaterskule i København. Ho er gift med Klaus Huse. Dei bur ved Hørsholm i Danmark og har tre born. Sigrid f. 1973 er barnevernspedagog og jobbar i NAV i Notodden der ho bur saman med ektemann Tommy Flåterud og to born.

Skulane i Midsund har dei siste åra opplevd ein sterk auke i elevtalet. Komande skuleår vil det vere 306 grunnskuleelevar i Midsund.

Når elevane i dag møter til sin første skuledag etter ferien, er det  lenge sidan det har vore så mange grunnskuleelvar i Midsund. Neste skuleår vil det vere 306 elevar ved dei tre skulane, fordelt med 167 elevar på 5. – 10. trinn ved Midsund skule, 109 frå 1.-4. trinn ved Raknes skule og 30 ved Midsund Montessoriskule, 21 av elevane ved privatskulen hadde gått på 1.-4. trinn om dei var i ein offentleg skule.

Rekordmange 1. klassingar. 40 seksåringar i kommunen har i dag sin aller første skuledag, 35 skal begynne på Raknes, fem på Midsund Montessoriskule. Vi må heilt tilbake til midten av 80 -talet for å finne tilnærma så høge tal.

Sterk auke. Førre skuleår var det 287 elevar ved skulane i Midsund. I 2007/08 var talet 262.
Går ein tilbake til 2000/01 var det 236 elevar i grunnskulen i Midsund, medan det i 1996/97 som er det lågaste talet vi har registrert dei siste 20 åra, var heilt nede på 214 elevar.
Den sterke auken i elevtalet har tydelegvis kome overraskande på mange. For eit par år sidan , då ny skulestruktur vart diskutert, var det rekna med eit elevtal i barneskulen på om lag 100 dei næraste fem åra. Komande  skuleåret vert det 130.

Mange framandspråklege. Det synes å vere to årsaker til auken. Dei siste åra har det jamt vore gode fødselstal, i tillegg opplever kommunen stor tilflytting, ikkje minst stor arbeidsinnvandring frå Aust-Europa.
Dette resulterer i mange elevar med framandspråkleg bakgrunn, noko som er ekstra utfordrande. Ved Midsund skule er det 21 framandspråklege elevar. Ved Raknes16, ingen ved privatskulen på Midøya.
Midsund var i fjor den kommunen i heile Møre og Romsdal som prosentvis hadde flest framandspråklege elevar.

Merkar det godt. –Vi merkar godt at det har vore eit jamt stigande elevtal dei siste åra, seier rektor ved Midsund skule, Ketil Ugelvik. – For å spare resursar prøver vi i nokre timar å samle alle elevane i eit kull i ein klasse med ein lærar, men med elevtal på 35 –36 på enkelte trinn, let det seg ikkje gjere. Vi har ikkje store nok rom.
-Midsund skule manglar også fleksibilitet i forhold til grupperom, og det vanskeleggjer skulekvardagen.
Å gje alle dei framandspråklege eit godt tilbod, er også ei utfordring, seier Ugelvik.

Tal frå SSB syner at skulane i Midsund har større gruppestorleik enn skulane i samanliknbare kommunar. Det er færre lærarar per elev. Kommunen brukar også mindre pengar per elev enn kommunar på same storleik. – Vi merkar det godt på ressursar til skulemateriell. Sjølv om talet på elevar går opp, aukar ikkje budsjettala tilsvarande.

Liten plass. Rektor ved Raknes skule Jonas Storvik merkar godt at det no er 109 elevar ved skulen. Klasseromma, utanom eitt, er generelt små og har maksimalt plass til 18 elevar. Det er stor mangel på grupperom.  I tillegg er garderobeforholda ved skulen vanskeleg, ikkje minst om vinteren. -Det er trongt, noko som skaper mange unødige konfliktar.
Storvik vil ikkje kommentere om skulen på Raknes kunne tatt mot ytterlegare 21 elevar om privatskulen på Midøya ikkje hadde blitt etablert.

Sist helg møttest ti av søskenbarna som ættar frå Ane og Elbert Håbet. -Mange fleire hadde tenkt å vere med, men på grunn av ferieplaner gjekk ikkje det, seier Eldar Håbet som var ein av dei som stod i spissen for arrangementet.

Det var tippoldefaren til desse søskenbarna, Truls Jakobsen Høgset (1835-1911) som bygde det som heiter «Tronstauå» på Høgset. Huset står der enno, men er no til nedfalls. Oldefaren, Johan Trulsen (1863-1901) hadde dette huset i fire år, og så i 1894 kjøpte han Håbet av Peder Pedersen Opstad. Den tida var det berre eit hus på Håbet og det låg attmed der Erling seinare bygde. Dette huset vart rive i 1940. Johan Trulsen tok no namnet Håbet og han og Johanne fekk fire barn, Teodor som døydde ung av spanskesykja, Sofus som tok over Ramberget, Jakobine som vart gift med Anders Sæter, Jenny som var gift med Rasmus Høgset og budde i «Tronstauå», og Elbert som var gift med Ane og som tok over Håbet og bygde husa som står der i dag i 1932-33. Han bygde og kai som skulle tene til anløp av rutebåtane og han var og ekspeditør og sørga for varetransport til og frå landhandelen på Larsneset.
Her oppe på Håbet med flott utsyn utover fjorden vaks det opp sju gutar. Alle gifta dei seg og fekk etterkommarar. Eldsteguten Trygve tok over kaia og starta med butikk, Olav busette seg på Gåseide i Ålesund, Jon Alfred bygde seg hus i Drynjasundet og flytta seinare til Sandnes, Erling bygde seg hus på heimgarden, Ingolf tok over Ramberget etter onkelen Sofus, Håkon Sverre bygde seg hus på heimgarden og yngsteguten Alfred Emil tok over hovedbruket.

Desse søskena har no fått 18 barn. Ein gut, Jan Asle drukna i Drønnesundsvågen i 1974, berre 7 år gammal.
På grunn av at mange hadde planlagt ferie var det 10 av denne søskenbarnflokken som møttest til treff.
Dei var først på gravplassen på Midøya og la blomster på grava til Jan Asle og besteforeldra. Så var det mat og mykje prat i bålhuset. Mange av dei hadde ikkje møtt kvarandre på fleire ti-år og hadde mykje å prate om. Alle søskenbarna tok og ein tur og gjekk gamlevegen frå Høgset til Håbet. Her var dei og oppom «Tronstauå» som tippoldefaren bygde ca 1870.

60 deltakarar stilte på startstreken i årets triatlon, sju av desse i dameklassen. I fjor var det 53 som fullførte. Både arrangørar, deltakarar og publikum såg med skrekkblanda fryd fram til årets høgdepunkt under Midsundfestivalen då søndagsmorgonen, vermessig, viste seg frå ei slett side. Regnet hølja ned heile føremiddagen, og under slike forhold ville eit så utfordrande løp bli vanskeleg for deltakarane og utriveleg for publikum. Men ein liten time før start, gav nedbøren seg, og etter kvart skein sola frå ein nesten skyfri himmel.
Tvekamp. Skiskyttaren Berger  vann sist han var med for tre år sidan. Svensken Andreas Svanebo har vunne dei siste to åra. Alt frå start var det klart at det i år ville bli ein tvekamp mellom desse to.

Berger var sterkast opp den stupbratte ura. Han brukte 20 minutt og 12 sekund før han var på toppen av Digergubben 527 meter over havet, 35 sekund føre Svanebo. Svensken har tidlegare vist at han er heilt rå  i nedoverbakkane mot Sør- Heggdal, så også denne gongen. Han tok att mesteparten av forspranget ved veksling og var raskt oppe på bakhjulet til Berger.

Dei to heldt følgje på heile den 2,2 mil lange sykkeletappen. Sterk vind gjorde at kompiskjøring var ein fordel, og inn mot siste etappe, 200 meter symjing over Midsundbukta, låg dei heilt likt. Men Berger var litt smartare i vekslinga og fekk raskare av seg sykkelskoa og kunne stupe i det iskalde vatnet nokre sekund føre Svanebo. Svensken prøvde å knappe innpå, men Berger heldt avstanden,  trass i at han etter eige utsegn ikkje har svømt sidan sist han var i Midsund. Til slutt såg det ut som Svanebo gav opp. I mål var forskjellen 34 sekund.

Vinnartida vart 1.23.12 over tre minutt etter Andreas Svanebo sin løyperekord.

Sleipt underlag ned til Sør-Heggdal og motvind på sykkelturen rundt Midøya, var hovudårsaka til at det i år var vanskeleg å senke bestetida.

I dameklassen var det nok ein gong skiesset Kari Vikhagen Geitnes som gjentok fjorårsbedrifta og vann suverent. –Midsund Triatlon er noko eg gler meg til kvart år, og eg lovar å kome tilbake neste år, sa skålajenta då ho vart intervjua på premieutdelinga.
Sterk debut. Simon Stølen vart nok ein gong beste lokale utøvar med tida 1.39.59. Men denne gongen fekk han knallhard konkurranse av debutanten Aksel Reiten (17).

Reiten var først i vatnet, men Stølen svømte forbi og var ni sekund føre i mål. Aksel hadde som målsetjing å kome under 1.50.00, og det greidde han med god margin. Men det tok på, og han var så sliten at han spydde like etter målpassering.

Også Kristofer Reiten imponerte i sin debut. Trass i lite sykkeltrening slo 16-åringen til med tida 1.50.20.
Godt fornøgd. –Vi er godt fornøgde med arrangementet. Det er berre nokre mindre detaljar å rette på. Vi har fått mange positive tilbakemeldingar, seier arrangementsansvarleg Gry Sletten.

Sjølv om det var opphald under sjølve løpet, hadde regnet tidlegare på dagen gjort det sleipt nedover mot Sør Heggdal. Og det vart ein del fall, mellom anna måtte Lars Berger overende. Men det var ingen alvorlege skadar. Dette er eit fjelløp, og deltakarane er klar over at dei må ta omsyn til forholda.

Etter førehandspåmeldinga, som var det doble av i fjor, hadde Sletten likevel håpa at fleire stilte på startstreken. Men det ufyselege veret på føremiddagen gjorde nok at enkelte ikkje kom.

Ho er likevel glad for at fleire unge, også lokale, var med denne gongen. Det tyder godt for framtida.

Sletten trur det er viktig å ha ei blanding av profesjonelle utøvarar og lokale amatørar. Lars Berger fekk dei hit i år i eit samarbeid med «Nesaksla Opp» på Åndalsnes. Håpet er at Tour de Romsdal skal gjennoppstå i ei eller anna form til neste år. Då vil det vere snakk om ein samanlagtseier og fleire vil stille.

Til beste dame og herreløpar vanka ein sjekk på 5000 kroner. Andreplassen vart belønna med 2500 kroner, tredjeplassen gav 1000 kroner.

Resultatliste Midsund Triatlon

Kvinner 20-39 år

1 Kari Vikhagen Gjeitnes  Skåla IL                       1:40:20

2 Marit Horsgaard Holo   Bolsøya IL                  1:51.56

3  Mariann Aasmyr            Midsund IL                1:57.56

4  Dagrun Bye                       Skåla IL                       1:58.32

5  Lillian Christensen         NOV BIL                     1:59.25

6  Linda Holm                                                               2:13.02

Menn 16-17 år

1 Krister Saastad               IL Runar                      1:44:09

2  Kristoffer Reiten             Midsund IL                 1:50.20

3  Sindre Nerbøberg            MOI                              1:50.35

4  Iver Stølen                       Midsund IL                 1:53.26

Menn 18-19 år

1 Aksel Reiten                    Midsund IL                 1:40:09

2 Ola Myrseth                                                           1:44:41

3 Stian Torsetnes                                                      1:44:56

4  Anders Odden Pedersen            Dimna IL    1:56.58

Menn 20-39 år

1 Lars Berger                      Lesja                             1:23:12

2 Andreas Svanebo           Aclima                          1:23:46

3 Rune Malo Ødegård      Molde omegn              1:28:18

4 Ola Berger                        Svorkmo BKKL         1:29:28

5 Ingvar Grønset                Bud IL                          1:34:36

6 Eirik Tennum                  Bearing Sport              1:35:59

7  Tore Malo Ødegård       MOI                              1:36.20

8  Lars Erik Holo                Bolsøya IL                  1:39.27

9  Simon Stølen                   Midsund IL                 1:39.59

10  Atle Smenes                    Averøy                         1:40.17

11 Håvard Nakken                                                    1:40.58

12 Arild Aasmyr                   Midsund IL                 1:46.05

13 Frank Opstad                  Midsund IL                 1:47.48

14 Vegard Otterlei                Midsund IL                 1:48.27

15 Steinar Hovde                 NTNU IL                      1:49.54

16 Frode Søholt                                                          1:50.14

17 Torbjørn Simonsen        Orkdal TKD                 1:54.25

18 Geir Nilsen                       Midsund IL                 2:00.24

19 Torgeir Bye                      Skåla/Axess                2:03.48

20 Øyvind Myklebust         Midsund IL                 2:16.12

21 Anders Høgdall               DAN-TEAM                2:28.47

Menn 40-49 år

1 Bård Smestad                 Multitude                     1:34:40

2 Per Kristian Saastad      IL Runar                      1:36:28

3 Kjell Rimereit                  Aktiv                             1:36:57

4 Bjarte Rimereit               Gdf Suez bedrift         1:44:20

5 Audun Gangstad            Statoil BIL                   1:44:44

6 Jan Ketil Vinnes              Ålesund Sykkel           1:47:39

7  Geir Are Nautnes            Midsund IL                 1:48.38

8  Kjetil Aune                      Midsund IL                 1:51.13

9  Karstein Opstad              Midsund IL                 1:54.08

10 Ivar Andreas Ophdal     Elmo                             1:54.58

11 John Ingvald Aarsbog   Hustad fengsel            1:55.46

12 Paul Bergsvik                  Skåla                            1:56.34

13 Magne Bjørnerem          Midsund IL                 1:58.42

14 Thomas Ness                  Tertnes IL                    1:58.53

Menn 50-59 år

1 Arnfinn Ugelvik              Midsund IL                 1:46:16

2 Tor Sødahl                       Kyrksæterøra IL         1:48:24

3 Stig Strand                       Trondheims SSL         1:53:00

4 Gunnar Bergsvik            Skåla IL                       1:53:33

5 Bjørn Bergsvik                Skåla IL                       1:54.36

6 Otto Nygård                    Sparebanken Møre    1:54.39

7 Egil Tautra «Tautn»       Fun Fighters                 1:57.35

8  Anders Brandsæter        Midsund IL                 1:59.59

9  Kåre Bjørnerem              Midsund IL                 2:06.10

10 Geir Finn Solsvik            Malermestrene BMV 2:13.03

11 Jon Egil Monsås             Molde CK                    2:26.37

Bildefremviser

[View with PicLens]

Det er imponerande at eit lite lokalsamfunn greier å mønstre ein festival med så høg kvalitet, både arrangements- og innhaldsmessig, er den gjengse oppfatninga. Etter seks år har festivalen etablert seg som ein viktig møteplass for midsundingar. Den er med å styrke omdømmet til kommunen, skape identitet og samhald. Og bak det heile står ein stor flokk med frivillige, der enkelte legg ned ein enorm innsats.
På lag med vergudane. Festivalen tjuvstarta litt vått og trått torsdag ettermiddag med fjelltur, men frå fredag var vergudane på arrangørane og ikkje minst publikum si side. Bra ver er ein av nøklane til suksess for ein utandørsfestival som dette.

Den offisielle opninga var det ordføraren som sto for i forkant den tradisjonelle kyrkjekonserten på fredag ettermiddag. I år var det den lokale sangstjerna Dina Misund som med sin sang rørte ei fullsett kyrkje.
The Spirit of Pink Floyd. På festivalområdet var det først konsert med gossebandet Fun Fighters der disco pop og rock sto i fokus.

Hovudattraksjonen var likevel The Spirit of Pink Floyd. Då ni engelske musikarar entra scena, vart det skikkeleg trykk. Og det var i ånda til Pink Floyd. Heftige soloar på gitar og saksofon viste at dette var topp musikarar. Sytti- og åttitalsperlene var mange og gjenkjennelege. «Money», «Dark side of the Moon» og «I wish you were here» fekk spesielt dei godt vaksne blant publikum til å hugse tilbake til yngre dagar.
Lokale talent. Laurdag var det utflyttartreff på Idavoll, før lokale talent fekk utfolde seg på senteret. Midsund har fostra mange gode artistar opp gjennom tida, så kanskje nokre av desse kjem tilbake om ein del år og er ein av hovudattraksjonane?

På kvelden var det først konsert med Fat Tony and the Slim Boys. Dette er eit band med lokale utøvarar som spelar fengande blues rock. Dessverre var det tynt med folk då konserten starta, og dei som ikkje var der, gjekk glipp av likande og god musikk. Det dei presterte var verkeleg verdt å høyre på.
Islandsk jazz – fusion. Hovudattraksjonen for heile festivalen, det verdskjente islandske instrumentalbandet Mezzoforte,  kom på scena laurdagskvelden. Mezzoforte slo gjennom på åttitalet med låta «Garden Party».  Bandet frå sagaøya har skaffa seg ein stor tilhengarskare i Norge.

Bandet spelar funk og jazz-fusion, og har gjeve ut 11 album og spela i over 40 land. Før dei kom til Midsund, hadde dei vore på turne i Spania og Tyskland og skulle vidare til Russland.

Det vart ein heftig konsert med solospel av høg klasse. Her var tydelegvis aktørar som kunne traktere både gitar, trompet og saksofon.

Kvelden vart avslutta med dans der bandet Cozy med musikarar frå ulike delar av fylket, er med. Dei spela variert og trensla på danseplatten var stor, heilt til vergudane sette stopp då klokka nærma seg to.

Etter ein strålande dag opna plutseleg himmelen sine sluser seg, og folk måtte søke ly i telta før dei vende nasen heimover. Festen var over.
Romsdal Spelemannslag. Søndag var det gudsteneste på Stølen i Nord-Heggdal og fiskekonkurranse før det var klart til triatlondag på tidleg ettermiddag. Etter ein regnfylt morgon lyste det opp og det vart bra forhold både for publikum og utøvarar.

Underhaldninga på senteret etter løpet, var det Romsdal spelemannslag som sto for. Å få desse utover var eit bra trekk av arrangørane, ikkje minst var det tydelegvis til stor glede for den eldre garde. Musikken var fengande, og mange av melodiane laga av lokale komponistar. Her fekk publikum innblikk i ein del av den lokale kulturhistoria som er lite kjent. Midsund har opp gjennom åra fostra mange spelemenn og folkemusikkomponistar.

Konserten vart opna med «Otrøyvalsen» av Knut i Tangå, og dei spela fleire melodiar både av han og Toralf Orvik, mellom anna reinlenderen «Orviken».

Mange spelemenn frå Midsund har vore med i Romsdal spelemannslag. I dag er dei representert med den utflytta midsundingen Kjell Inge Ugelvik på trekkspel. Han  har teke med seg litt av den musikalske arven frå Midsund inn i laget.
Gripande. Punktum for ein vellykka festival vart sett søndag kveld i Otrøy kyrkje, der den starta for tre dagar sidan. Og for eit punktum. Veronica Akselsen nådd inn til det inste på dei om lag 100 frammøtte, både med sin sang og sine historier.
Folkefest. Midsundfestivalen er ein folkefest, og publikumsoppslutninga har vore stor, ikkje minst på laurdagskvelden då om lag 1000 personar var på senteret om kvelden. Fredagen var det om lag 600. Også på dagtid var det mykje folk samla.

– Det vart selt  om lag like mange billettar i år som i fjor, seier Frits Inge Godø og Lars Jarle Jenset som leiar festivalen. Dei er godt fornøgd med arrangementet. Alt har gått roleg for seg.

Tilbakemeldingane er også gode. – Diskusjon om musikkval vil det alltid vere. Musikksmaken er forskjellig, men vi meiner det skulle vere litt for dei fleste, seier dei to.

Bildefremviser

[View with PicLens]

Endeleg var dagen komen for å reise på cup. 38 personar frå Midsund stod klare på kaia natt til tysdag 22. juni. Endeleg vart det tur etter eit år med dugnadsjobbing og mykje trening. Dopapir og tørkerull var seld i stor stil, 26.082 rullar dopapir a 35 meter og 2.304 tørkerull a 15 meter gjev totalt nesten 950.000 meter papir. Snakk om mange meter, og ikkje minst mykje pengar i reisekassa! Vaflar og kaker var og blitt seld m.m, og no var det endeleg klart for avreise. Det vart nok pengar til tur for laget, og hurra for det! Dette var resultatet av ein kjempestor dugnadsinnsats av laget, foreldra og ikkje minst Evy Mette Risvik, primus motor og turarrangør.

Turen starta med hurtigbåt frå Midsund til Vigra. Vidare gjekk turen med fly frå Vigra til Barcelona via København. Vi landa i Barcelona til ein veldig varme, ja temperaturen låg heile turen på rundt 30 grader.

Frå flyplassen gjekk turen vidare med buss, 70 km av garde til Santa Susanna. Vi sjekka inn på hotell Aquamarina saman med mange andre lag både frå Norge og andre land. Hotellet låg 70 km frå flyplassen i Barcelona og 40 km frå Granollers, der alle kampane skulle spelast.

Onsdag 23. juni hadde Evy Mette ordna i samarbeid med reisebyrået ein guida sightseeingtur til Barcelona, heile dagen. Vårt første stopp på turen var ved den kjente katedralen La Sagrada Familia. Eit fantastisk skue. Bygget var påbegynt i 1882, men er endå ikkje ferdig, om det nokon gong vil bli det.

Turen gjekk vidare til  FC Barcelonas Camp Nou. Ein fotballstadion som er rangert med 5 stjerner av UEFA. Her var det og eit fotballmuseum, noko som såg ut til å vere spesielt stort for dei små og store gutane som var med. Byen arrangerte sommar-OL i 1992, så naturleg nok gjekk turen vidare innom OL-arena og Montjuic, ein ås ovanfor hamna, sør for sentrum av byen. Her i området ligg mange arenaer som nettopp vart brukt under OL i 1992.

Her oppe var det flott utsikt utover heile byen, og byens store hamneområde.

Til slutt var det tid for shopping. Vi fekk nokre timar på eiga hand, der vi enten såg innsida av shoppingsentre eller rusla langs ein av byens viktigaste gater La Rambla, med dertil yrande folkeliv, musikarar, gjøglarar og salgsboder av alle slag. Her var det berre å halde på lommeboka, bokstavleg talt. Barcelona er ein storslagen og fin by. Hit kjem vi gjerne tilbake.

Torsdag 24.06. starta vi dagen med soling og bading. Jentene starta no med felles treningar, for å førebu seg best mogleg til kommande kampar.

På kveldinga gjekk turen inn til Granollers for å delta på opningsseremonien for cupen. 15 nasjonar deltok, og heile 233 lag var med. Vi tok buss inn til Granollers, og laget stilte opp i tog i sine cupskjorter, stråhattar og heiarop. Det var spesielt stor stas for oss foreldra på sidelinja, då vi såg Norge sine lag komme marsjerande, og etterkvart dukka midsundjentene opp i sine blå cupskjorter og stråhattar. På stadion var det underholdning og musikk for alle. Sol, varme, mykje folk, dansing og glede sette ramme og punktum for kvelden.

Første kamp vart spela fredag 25. juni mot eit spansk lag St. Jose Obrero. Vi starta kampen veldig bra. Leia 4-0 etter 4 minutt spela.  Midsund vann kampen 12-6. Ein veldig god start for jentene.

Laurdag den 26. spela midsundjentene mot eit norsk lag, Randesund IL. Dei vann denne kampen og, heilt fantastisk bra spela. Randesund er dessutan eit av Norges beste lag i denne årsklassa. Dei vart nr 3 i cupen. Midsund vann kampen 20–15.

Seinare på dagen var det tid for ny kamp. Vi skulle spele mot Bjørndal IF, nok eit norsk lag. Her starta kampen i vår favør. Vi leda nesten heile kampen, men dessverre så klarte vi ikkje å halde på leiinga. Vi var vel berre eit sekund frå uavgjort denne kampen, men endte med tap og enorm skuffelse. Vi var så nære ved å vinne. Midsund tapte kampen 16-15.

Søndag den 27. var det tid for å spele dei to siste kampane i vår gruppe. Det var 5 andre lag i vår gruppe, så alle laga hadde tilsaman fått spela fem kampar kvar. Jentene starta med å spele mot det norske laget IK Grane. Her møtte vi eit bra lag, som spela veldig fin handball. IK Grane vann kampen 18-14, og no var nok håpet ute for å komme vidare til sluttspel.

Neste og siste kamp vart mot de spanske SEL. Catalana. Før denne kampen var det klart at vi ikkje kunne gå vidare. Her fekk jentene spele på ein OL arena, og berre det var litt av ei oppleving. Denne kampen måtte vi spele med ein mindre ball enn det vi er vant til og utan klister. Midsund tapte kampen 22-6.

Tre lag kom vidare til sluttspel, men det gjorde dessverre ikkje Midsund sitt jentelag. Det høyrer og med til historia at alle dei 3 laga som gjekk vidare kom til kvartfinalen. Vi kom nok mest sannsynleg i den tøffaste gruppa..

Cupen blei vunne av det norske laget Charlottenlund frå Trondheim.

Måndag den 28.06 vart det difor tid for sol, bading og avslapping, heile dagen til ende.

Vi avslutta cupen og turen med grillfest på ein strandrestaurant for laget, og alle som var med på turen. Vi kosa oss stort, og sette eit kjekt punktum for ein alle tiders tur.

Cupen hadde vore ei kjempefin oppleving, og ei god erfaring å ta med seg vidare for dei unge lovande handballspelarane vi har i kommunen vår.

TUSEN TAKK til alle som støtta J16 handball, slik at turen vart ein realitet.

Ein stor takk rettast til trenarane Stian Brandsæter og Tor Even Stefanussen for ein god innsats. Takk og  til Evy Mette Risvik for ein velarrangert tur, og ikkje minst j16 for kjempe gode handballprestasjonar.

Helsing tilskuarane, heiagjengen og turistane på turen,
foreldre og søsken☺

Bildefremviser

[View with PicLens]